Habang naghahanap ang mga security personnel kay Abigail, bigla nalang nawalan nang ilaw, at pagkatapos
ng ilang segundo ay bumalik ulit ito. Walang bakas silang nakita at hindi nila
nahanap si Abigail kahit nilibot na nila ang buong paligid, isang mapanlulumong
gabi para sa buong pamilya ni Abigail ang biglaang pagkawala nito.
Isang kotse ang bumabaybay sa kahabaan ng Maharlika Highway
na tumatakbo sa direksyon tungo sa syudad nang Bayugan. Sa loob ng kotse ay
naroroon si Abigail, walang malay at suot-suot pa nito ang gown na bigay sa
kanya ng kanyang ama. Isang lalaki ang naka-itim at nakatakip ang bibig na siyang
nagmamaneho ng kotse. Huminto ang kotse sa isang iskinita at dinala nang hindi
kilalang lalaki ang mahimbing na natutulog na si Abigail sa isang gubat. At
doon sa gubat, ay isang bahay kubo ang tahimik na nakatayo kung saan isang
hindi katangkaran na lalaki ang nakatayo sa pintuan ng bahay kubo.
“Ang galing mo talaga, Master!” wika nang lalakeng nakatayo.
“Tantan, wag lakasan ang boses at baka magising ito” mahinang
sabi nang lalakeng kumuha kay Abigail.
“So? Ano plano mo, Master?” tanong ni Tantan sa lalakeng
kumuha kay Abigail.
Hindi namalayan nang dalawa na gising si Abigail at tahimik
na nakikinig. Hinintay na Abigail na sagutin nang sinasabing Master ang tanong
pero bigla nalang itong pumasok sa isang kwarto.
Kinaumagahan, bumungad sa bagong gising na si Abigail ang
mga ngiti ng apat na bata na nakapaligid sa kanya. Nagulat siya nang siya ay
inalalayang itinayo ng mga bata at hinawakan ang kanyang kamay at dinala sa
hapag kainan.
“Kuya Rhett, andito na girlpren n’yo po” wika nang isa sa
mga bata sa lalakeng nagngangalang Rhett kung saan nauna na itong kumain.
“Kumain ka na! Bago
pa maubos ko lahat ito” wika ni Rhett kay Abigail.
Umupo si Abigail at
nagsimula na ring kumain, sa ikalawang subo niya ay napansin niyang nakatingin
pa rin sa kanya ang mga bata. Tinanong niya kung kumain na ba sila at sumagot
naman ito ng Oo. Pero napansin ni Abigail na puro lalake ang mga batang
nakikita niya.
“Mga kapatid mo ba itong mga bata na’to?”
“Oo, ang limang itlog na’yan” sagot ni Rhett sa tanong ni
Abigail.
At nang malapit nang matapos si Abigail sa pagkain ay
tinanong siya ni Rhett.
“Huwag kang magtangkang tumakas….klaro?”
“Eh!? Bakit ako tatakas? At saka….Sino kayo? Bakit ako
naririto? Boyfriend ba kita? Sino ako?” sagot ni Abigail sa sinabi ni Rhett.
Next: HeartBullet Episode 3
Next: HeartBullet Episode 3
0 comments